യുവദമ്പതികള്‍ വീട്ടില്‍ മരിച്ചനിലയില്‍, ദുരൂഹതയേറെ

ആലപ്പുഴ: ചെന്നിത്തലയില്‍ യുവദമ്പതിമാരെ വീട്ടില്‍ മരിച്ച നിലയില്‍ കണ്ടെത്തി. പെയിന്റിങ് തൊഴിലാളിയായ അടൂര്‍ കുരമ്പാല കുന്നുകോട്ട് വിളയില്‍ ജിതിന്‍ (30), വെട്ടിയാര്‍ സ്വദേശി ദേവിക ദാസ് (20)എന്നിവരെയാണ് മരിച്ച നിലയില്‍ കണ്ടത്. ജിതിന്‍ തൂങ്ങിമരിച്ചനിലയിലും ദേവിയുടെ മൃതദേഹം കട്ടിലില്‍ കിടക്കുന്ന നിലയിലുമാണ് കണ്ടത്.
രണ്ടുവര്‍ഷം മുന്‍പ് ജിതിനോടൊപ്പം ദേവിക ദാസ് ഇറങ്ങി പോയതിനു കുറത്തികാട് പോലീസ് ജിതിനെതിരെ പോക്‌സോ കേസ് രജിസ്റ്റര്‍ ചെയ്തു. തുടര്‍ന്ന് ദേവിക ദാസ് ബാലികസദനത്തില്‍ താമസിക്കുകയായിരുന്നു. പ്രായപൂര്‍ത്തിയായതിനുശേഷം വീണ്ടും ദേവിക ജിതിനോടൊപ്പം പോയി. മാര്‍ച്ച് 18ന് ചെന്നിത്തലയില്‍ സ്വകാര്യ വ്യക്തിയുടെ വീട്ടില്‍ വാടകയ്ക്ക് താമസിച്ചു വരികയുമായിരുന്നു. ചൊവ്വാഴ്ച രാവിലെ പെയിന്റിങ് കരാറുകാരന്‍ ജിതിന്‍ ജോലിക്ക് എത്താതിരുന്നതിനെ തുടര്‍ന്ന് തിരക്കി വീട്ടിലെത്തിയപ്പോഴാണ് ഇരുവരെയും മരിച്ചനിലയില്‍ കണ്ടെത്തിയത്.