അഭിമന്യൂ കൊലപാതകം: രണ്ട് പേര്‍ കൂടി അറസ്റ്റിൽ

കൊ​ച്ചി: മ​ഹാ​രാ​ജാ​സ് കോ​ള​ജ് വി​ദ്യാ​ർ​ഥിയും എസ്.എഫ്.ഐ പ്രവർത്തകനുമായ അ​ഭി​മ​ന്യു​വി​നെ കൊ​ല​പ്പെ​ടു​ത്തി​യ കേ​സി​ൽ പോ​പ്പു​ല​ർ ഫ്ര​ണ്ട് പ്ര​വ​ർ​ത്ത​ക​രാ​യ ര​ണ്ട് പേ​ർ കൂ​ടി അ​റ​സ്റ്റി​ൽ. അ​രു​ക്കു​റ്റി സ്വ​ദേ​ശി​ക​ളാ​യ ഷി​ഹ​റാ​സ് സ​ലിം, ഷാ​ജ​ഹാ​ൻ എ​ന്നി​വ​രാ​ണ് അ​റ​സ്റ്റി​ലാ​യ​ത്. ഇ​വ​രി​ൽ​നി​ന്ന് മ​ത​സ്പ​ർ​ധ വ​ള​ർ​ത്തു​ന്ന ല​ഘു​ലേ​ഖ​ക​ളും ലാ​പ്ടോ​പ്പും മൊ​ബൈ​ൽ ഫോ​ണു​ക​ളും സി​ഡി​യും പോ​ലീ​സ് പി​ടി​ച്ചെ​ടു​ത്തു. കൊ​ല​യെ​ക്കു​റി​ച്ച് ഇ​വ​ർ​ക്ക് അ​റി​വു​ണ്ടാ​യി​രു​ന്നു​വെ​ന്ന് പോ​ലീ​സ് അ​റി​യി​ച്ചു.

നേരത്തെ കൊലപാതകവുമായി ബന്ധപ്പെട്ട് രണ്ട് എസ്.ഡി.പി.ഐ പ്രവർത്തകരെ ആലപ്പുഴയിൽ പൊലീസ് കസ്റ്റഡിയിലെടുത്തിരുന്നു. ഷാജഹാൻ, ഷിയാസ് സലീം എന്നിവരെയാണ് പൊലീസ് കസ്റ്റഡിയിലെടുത്തത്. എസ്ഡിപിഐയുടെ പ്രധാന പ്രവർത്തകരാണ് പിടിയിലായവരെന്ന് പൊലീസ് ഉദ്യോ​ഗസ്ഥർ പറയുന്നു.

ഷാ​ജ​ഹാ​ൻ ആ​ക്ര​മ​ണ​ങ്ങ​ൾ ആ​സൂ​ത്ര​ണം ചെ​യ്യു​ന്ന​യാ​ളാ​ണെ​ന്നും ഷിഹ​റാ​സ് പ്ര​വ​ർ​ത്ത​ക​ർ​ക്ക് കാ​യി​ക പ​രി​ശീ​ല​നം ന​ൽ​കു​ന്ന​യാ​ളാ​ണെ​ന്നും പോ​ലീ​സ് വ്യ​ക്ത​മാ​ക്കി. ക​ഴി​ഞ്ഞ ദി​വ​സം പോ​ലീ​സ് ന​ട​ത്തി​യ പ​രി​ശോ​ധ​ന​യി​ൽ നാ​ല് പേ​രെ ക​സ്റ്റ​ഡി​യി​ൽ എ​ടു​ത്തി​രു​ന്നു. ഇ​വ​രെ ചോ​ദ്യം ചെ​യ്തു​വ​രി​ക​യാ​ണ്.

അ​തേ​സ​മ​യം കേ​സി​ലെ മു​ഖ്യ​പ്ര​തി​യ​ട​കം മൂ​ന്ന് പേ​ർ രാ​ജ്യം വി​ട്ട​താ​യാ​ണ് സൂ​ച​ന. മു​ഖ്യ​പ്ര​തി ബം​ഗ​ളൂ​രു വി​മാ​ന​ത്ത​വാ​ളം വ​ഴി വി​ദേ​ശ​ത്തേ​ക്ക് ക​ട​ന്ന​താ​യാ​ണ് വി​വ​രം ല​ഭി​ച്ച​ത്. ഇ​തി​ന്‍റെ അ​ടി​സ്ഥാ​ന​ത്തി​ല്‍ കേ​ര​ള പോ​ലീ​സ് രാ​ജ്യാ​ന്ത​ര പോ​ലീ​സ് സം​ഘ​ട​ന​യാ​യ ഇ​ന്‍റ​ര്‍​പോ​ളി​ന്‍റെ സ​ഹാ​യം തേ​ടും.

ജൂ​ലൈ ര​ണ്ടി​ന് പു​ല​ർ​ച്ചെ കോ​ള​ജി​ൽ പോ​സ്റ്റ​ർ ഒ​ട്ടി​ക്കു​ന്ന​തു​മാ​യി ബ​ന്ധ​പ്പെ​ട്ട് ഉ​ണ്ടാ​യ ത​ർ​ക്ക​ത്തെ​ത്തു​ട​ർ​ന്ന് ര​ണ്ടാം വ​ർ​ഷ ബി​രു​ദ വി​ദ്യാ​ർ​ഥി​യും എ​സ്എ​ഫ്ഐ ഇ​ടു​ക്കി ജി​ല്ലാ ക​മ്മി​റ്റി അം​ഗ​വു​മാ​യ അ​ഭി​മ​ന്യു​വി​നെ ഒ​രു സം​ഘ​മാ​ളു​ക​ൾ കു​ത്തി​ക്കൊ​ല​പ്പെ​ടു​ത്തി​യ​ത്.