കേരള പോലീസ് ആക്റ്റില്‍ മാറ്റം വരുത്തണമെന്ന് ഡി.ജി.പി ലോക്‌നാഥ് ബെഹ്‌റ

തിരുവനന്തപുരം: കേരള പോലീസ് ആക്റ്റില്‍ പുതിയ വകുപ്പുകള്‍ ഉള്‍പ്പെടുത്തി ഭേദഗതി വരുത്തണമെന്ന് ഡി.ജി.പി ലോക്‌നാഥ് ബെഹ്‌റ. സൈബര്‍ കേസുകളില്‍ നിലവില്‍ പ്രതികള്‍ക്ക് വേഗത്തില്‍ ജാമ്യം ലഭിക്കുന്ന അവസ്ഥയാണ് ഉള്ളത്. കര്‍ശന നടപടികള്‍ക്ക് മതിയായ നിയമം കേന്ദ്ര ഐ.ടി ആക്ടില്‍ ഇല്ല. ഇന്റര്‍നെറ്റിലൂടെയുള്ള ലൈംഗിക അധിക്ഷേപങ്ങള്‍ മാത്രമല്ല തെറ്റായ ആക്ഷേപങ്ങളിലൂടെയുള്ള വ്യക്തിഹത്യകളും കുറ്റകരമാക്കുന്ന രീതിയിലുള്ള നിയമനിര്‍മാണം വേണമെന്നാണ് ഡിജിപി ശിപാര്‍ശ ചെയ്തിരിക്കുന്നത്. വാക്കുകളും ദൃശ്യങ്ങളും ഉപയോഗിച്ചുള്ള ലൈംഗിക അധിക്ഷേപം ജാമ്യമില്ലാ കുറ്റമാക്കണമെന്നും കൂടാതെ തെറ്റായ ആരോപണങ്ങള്‍ ഉന്നയിച്ച് അധിക്ഷേപിക്കുന്നതിന് ശിക്ഷ നല്‍കണമെന്നും ശിപാര്‍ശയിലുണ്ട്.