മുല വലിപ്പവും തുട വലിപ്പവും അളക്കുന്ന അധ്യാപകനെ നിങ്ങൾക്ക് വേണോ….?

കോളേജ് പെൺകുട്ടികളുടെ മാറിടങ്ങളെ വത്തയ്ക്കയോടുപമിച്ച കോഴിക്കോട് ഫാറൂഖ് കോളേജിലെ വത്തയ്ക്കാ സദാചാരം പ്രഫസറെക്കുറിച്ചെന്തു പറയണം? മുലകളെ എത്രയോ മനോഹരമായി പലരും വർണ്ണിച്ചിട്ടുണ്ട്‌ , വരച്ചിട്ടുണ്ട്. ഇതുവരെ ആർക്കും വത്തയ്ക്കാ ഫീലിംഗ് വന്നതായി അറിവില്ല.

തണ്ണിമത്തൻ എന്ന പേരിൽ കൂടി അറിയപ്പെടുന്ന വത്തയ്ക്കയും പെൺമുലയും തമ്മിൽ സാദൃശം ചൊന്ന ഈ പ്രഫസർ കൗൺസലിംഗ് നടത്തുന്ന വിദ്വാൻ കൂടിയാണത്രെ.ഇനി കൂടുതലെന്തുവേണം?പരലോക സ്വർഗം കിട്ടാൻ ഇവിടെന്തൊക്കെ ചെയ്യണമെന്നും സാദാചാര പ്രസംഗത്തിൽ ഈ വിദ്വാൻ പറയുന്നുണ്ട്.

പെൺകുട്ടികൾ മാത്രമുള്ള ക്ലാസിൽ പഠിപ്പിക്കാൻ യോഗ്യനാണോ ഇയാളെന്ന് അവിടെ പഠിക്കുന്ന കുട്ടികളും അവരുടെ രക്ഷിതാക്കളുമാണ് ഇനി തീരുമാനിക്കേണ്ടത്.കോളേജ് മാനേജ്മെന്റിനെ തിരുത്താനുള്ള ശക്തിയാവണം അവർ. ക്ലാസിലിരിക്കുന്ന പെൺകുട്ടികളുടെ മാറിടത്തിന് വത്തയ്ക്കാ വലിപ്പമുണ്ടോയെന്നും കാലിൽ കിടക്കുന്നത് ലെഗിൻസ് ആണോയെന്നും നോക്കുന്ന ഒരധ്യാപകനെ ഇനി നിങ്ങൾക്കു വേണോ?
കുട്ടികളുടെ മുഖത്ത് നോക്കിയല്ലേ അയാൾ പഠിപ്പിക്കേണ്ടത്? അതല്ലേ ശരി?

ഇയാളുടെ ഒരു മുൻഗാമി, ബഹുഭാഷാ പണ്ഡിതൻ, വാഗ്മി വർഷങ്ങൾക്ക് മുമ്പ് അവിടെ അധ്യാപകനായിരിക്കെ വത്തയ്ക്കാ – ലെഗിൻസ് ഗവേഷണം നടത്തിയത് കൊണ്ടാവാം നാട്ടുകാർ കൈകാര്യം ചെയ്ത ചരിത്രമുണ്ട്. ക്ലാസിലെ കുട്ടിയെ അദ്ദേഹത്തിന് നിർബന്ധ നിക്കാവ് ചെയ്യേണ്ടി വന്നു. പിന്നെ, അവളെ തലാക്ക് ചൊല്ലി വേറെത്തിയെ നിക്കാഹ് ചെയ്തു.ഇതിനിടയിൽ അദ്ദേഹം പുതിയ മേച്ചിൽപ്പുറങ്ങൾ തേടി. പ്രഭാഷണ പരമ്പരക്കാരനായി.രാഷ്ട്രീയത്തിലും കൈവച്ചു.മൂന്നാമത്തെ നിക്കാഹിനുള്ള ഒരുക്കം വൻ വിവാദമായതോടെ തടി കേടാക്കാതെ മാളത്തിലൊളിച്ചു. ഇപ്പോൾ കാര്യമായൊന്നും കേൾക്കാനില്ല.

പർദ്ദയും തട്ടവുമിട്ട് അതിന്റെ ചൂടിൽ വെന്തുരുകിയാൽ മാത്രമേ പരലോകം പൂകൂ എന്നു പെൺകുട്ടികളോട് പറയുന്നതിനിടയിൽ ഇയാൾ സ്വന്തം ക്ലാസിൽ മുല വലിപ്പവും തുട വലിപ്പവും അളക്കുകയല്ലേ…..കൗൺസലിംഗ് മാസ്റ്റർ കൂടിയായ ഈ വത്തയ്ക്ക പ്രഫസറല്ലെ ശരിയ്ക്കും ഉടനടി ചികിൽസ ആവശ്യമായ ഞരമ്പുരോഗി?

Loading...