വി​ചാ​ര​ണ​യ്ക്കാ​യി പ്ര​ത്യേ​ക കോ​ട​തി​യും വ​നി​താ ജ​ഡ്‌​ജി​യും വേ​ണം: ആ​ക്ര​മി​ക്ക​പ്പെ​ട്ട ​ന​ടി ഹൈ​ക്കോ​ട​തി​യി​ലേ​ക്ക്

കൊ​ച്ചി: കൊ​ച്ചി​യി​ൽ ആ​ക്ര​മി​ക്ക​പ്പെ​ട്ട യു​വ​ന​ടി ഹൈ​ക്കോ​ട​തി​യി​ലേ​ക്ക്. കേ​സി​ന്‍റെ വി​ചാ​ര​ണ​യ്ക്കാ​യി പ്ര​ത്യേ​ക കോ​ട​തി​യും വ​നി​താ ജ​ഡ്‌​ജി​യും വേ​ണ​മെ​ന്ന് ആ​വ​ശ്യ​പ്പെ​ട്ടാ​ണ് ന​ടി ഹൈ​ക്കോ​ട​തി​യെ സ​മീ​പി​ക്കു​ന്ന​ത്. അ​ടു​ത്ത​യാ​ഴ്ച ഹൈ​ക്കോ​ട​തി​യി​ൽ ഹ​ർ​ജി ന​ൽ​കാ​നാ​ണ് തീ​രു​മാ​നം.

ന​ടി​യു​ടെ ഇ​തേ ആ​വ​ശ്യം എ​റ​ണാ​കു​ളം പ്രി​ൻ​സി​പ്പ​ൽ സെ​ഷ​ൻ​സ് കോ​ട​തി നേ​ര​ത്തെ ത​ള്ളി​യി​രു​ന്നു. ജി​ല്ല​യി​ലെ സെ​ഷ​ൻ​സ് കോ​ട​തി​ക​ളി​ലോ അ​ഡി​ഷ​ണ​ൽ സെ​ഷ​ൻ​സ് കോ​ട​തി​ക​ളി​ലോ വ​നി​താ ജ​ഡ്‌​ജി​യി​ല്ലാ​ത്ത​തി​നാ​ലാ​ണ് കോ​ട​തി ഈ ​ആ​വ​ശ്യം ത​ള്ളി​യ​ത്.

ത​ന്‍റെ സ്വ​കാ​ര്യ ജീ​വി​ത​ത്തെ കേ​സി​ന്‍റെ വി​ചാ​ര​ണ പ്ര​തി​കൂ​ല​മാ​യി ബാ​ധി​ക്കു​മെ​ന്ന​തി​നാ​ലാ​ണ് വ​നി​താ ജ‌​ഡ്‌​ജി​യെ വി​ചാ​ര​ണ​യ്ക്കാ​യി​വേ​ണ​മെ​ന്ന് ആ​വ​ശ്യ​പ്പെ​ടു​ന്ന​തെ​ന്നും ന​ടി ഹൈ​ക്കോ​ട​തി​യി​ൽ ബോ​ധി​പ്പി​ക്കും.

കേ​സ് വൈ​കി​പ്പി​ക്കാ​നാ​ണ് പ്ര​തി​ക​ൾ ശ്ര​മി​ക്കു​ന്ന​തെ​ന്ന് എ​റ​ണാ​കു​ളം സെ​ഷ​ൻ​സ് കോ​ട​തി ക​ഴി​ഞ്ഞ ദി​വ​സം വി​മ​ർ​ശി​ച്ചി​രു​ന്നു. കേ​സി​ൽ പ്ര​തി​ക​ൾ സ​ഹ​ക​രി​ക്കു​ന്നി​ല്ല. കേ​സി​ലെ പ്ര​ധാ​ന രേ​ഖ​ക​ളെ​ല്ലാം ന​ൽ​കാ​ൻ കോ​ട​തി ഉ​ത്ത​ര​വി​ട്ടി​രു​ന്നു. എ​ന്നാ​ൽ കൂ​ടു​ത​ൽ രേ​ഖ​ക​ൾ ആ​വ​ശ്യ​പ്പെ​ട്ട് പ്ര​തി​ക​ൾ വീ​ണ്ടും വീ​ണ്ടും കോ​ട​തി​യെ സ​മീ​പി​ച്ചു​കൊ​ണ്ടി​രി​ക്കു​ക​യാ​ണെ​ന്നും ഇ​ത് പ്ര​തി​ക​ളു​ടെ വി​ചാ​ര​ണ നി​ശ്ച​യി​ക്കാ​ൻ ത​ട​സ​മാ​വു​ക​യാ​ണെ​ന്നും കോ​ട​തി വിമർശിച്ചിരുന്നു.

പ്ര​തീ​ഷ് ചാ​ക്കോ, രാ​ജു ജോ​സ​ഫ് എ​ന്നി​വ​രു​ടെ ഹ​ർ​ജി പ​രി​ഗ​ണി​ക്ക​വേ​യാ​യി​രു​ന്നു കോ​ട​തി​യു​ടെ വി​മ​ർ​ശ​നം. കേ​സി​ലെ തെ​ളി​വു ന​ശി​പ്പി​ച്ച​തി​നാ​ണ് പ​ൾ​സ​ർ സു​നി​യു​ടെ അ​ഭി​ഭാ​ഷ​ക​രാ​യി​രു​ന്ന പ്ര​തീ​ഷ് ചാ​ക്കോ​യും രാ​ജു ജോ​സ​ഫും വി​ചാ​ര​ണ നേ​രി​ടു​ന്ന​ത്.

2017 ഫെ​ബ്രു​വ​രി​യി​ലാ​ണ് ന​ടി​യെ ത​ട്ടി​ക്കൊ​ണ്ടു​പോ​യി ആ​ക്ര​മി​ച്ച​ത്.